Theodor Mommsen

Christian Matthias Theodor Mommsen (30 November 1817–1 November, 1903) was 'n Duitse leraar in die klassieke werke, en historikus, algemeen beskou as die belangrikste klassikus van die 19e eeu. Sy werk omtrent die Romeinse geskiedenis is vandag nog uiters belangrik vir navorsing oor die onderwerp. Hy het die Nobelprys vir Letterkunde ontvang in 1902, en was 'n vooraanstaande Duitse politikus, as 'n lid van beide die Pruisiese en Duitse parlemente.

Inhoud 1 Kort lewensgeskiedenis 2 Wetenskaplike werke 3 Nobelprysfeite 4 Bronnelys 5 Eksterne skakels

Kort lewensgeskiedenis

Mommsen is in Garding in Schleswig gebore ('n Duitse staat op die grens tussen Duitsland en Denemarke), en het grootgeword in Bad Oldesloe in dieselfde staat. Hy was eers 'n hoogleraar in geskiedenis aan die Universiteit van Leipzig, het toe lid geword van die Akademie van Wetenskappe in Berlyn in 1858, en daarna hoogleraar in Romeinse geskiedenis aan die Universiteit van Berlyn in 1861.

Hy het talle eerbewyse ontvang vir sy wetenskaplike prestasies: die "Blou Max", Pruise se hoogste militêre eerbewys in 1868; ereburgerskap van Rome; en die Nobelprys, een van weinige non-fiksieskrywers om dié toekenning te verwerf.

Wetenskaplike werke

• Die geskiedenis van Rome: Die werk verskyn in drie volumes tussen 1854 en 1856, en dek die Romeinse geskiedenis tot aan die einde van die Romeinse republiek en die heerskappy van Julius Caesar.
• Romeinse grondwetlike reg: (1871-1888)
• Romeinse strafreg (1899), en
• meer as 1 500 verdere werke en verhandelinge oor ander individuele onderwerpe.

Nobelprysfeite

Mommsen was beide die oudste persoon om ooit die Letterkundeprys te verower (hy was 85 jaar oud) en ook die die persoon met die vroegste geboortedatum (1817).

Bronnelys

Hierdie artikel is 'n gedeeltelike vertaling van die Engelse Wikipedia artikel, Theodor Mommsen.

• Wilhelm Weber, Theodor Mommsen (1929)
• W. Warde Fowler, Theodor Mommsen: His Life and Work (1909)
• Mommsen, Theodor: Römische Geschichte. 8 Volumes. dtv, München 2001. ISBN 3-423-59055-6
• Heuß, Alfred: Theodor Mommsen und das 19. Jahrhundert. Kiel 1956; reprinted Stuttgart 1996. ISBN 3-515-06966-6
• Wickert, Lothar: Theodor Mommsen. 4 volumes. Frankfurt/Main, 1959?1980.
• Rebenich, Stefan: Theodor Mommsen: eine Biographie. Beck, München 2002. ISBN 3-406-49295-9

Eksterne skakels

• Nobelprys biografie
• 'n Mommsen biografie

Why are we here?
All text is available under the terms of the GNU Free Documentation License
This page is cache of Wikipedia. History